پاش بڵاوبوونەوەی دەنگۆی دەستگیركردنی ڕۆژنامەنووسێک لە شاری سلێمانی بە ناوی (سەیران هاوژین)، ئەمڕۆ سێشەممە، كاروان ئەنوەر، سكرتێری لقی سلێمانیی سەندیكای ڕۆژنامەنووسان بەدواداچوونی بۆ ئەم کەیسە کرد و سەردانی ڕۆژنامەنووسەكەی کرد لە گرتووخانە.
دەركەوت ئەو ڕۆژنامەنووسە لەسەر كەیسی ڕۆژنامەنووسی دەستگیرنەكراوە و بابەتی دەستگیركردنەكەی پرسێکی دیکەیە، كاروان ئەنوەر لەو بارەیەوە ڕایگەیاند، ڕۆژنامەنووسەکە پێی ڕاگەیاندوون، بابەتی دەستگیركردنەکەی پەیوەندیی بە كاری ڕۆژنامەنووسییەوە نییە.
