ئەمڕۆ جارێكی دیكە نرخی بەنزین لە بەنزینخانەكانی شاری سلێمانی بەرزبووەوە و سەرجەم جۆرەكانی بەنزین 50 دینار گرانكران.
پەیامنێری تۆڕی میدیایی ئێستا لە شاری سلێمانی گواستییەوە، بەیانی ئەمڕۆ هەینی، نرخی یەك لیتر بەنزینی نۆرماڵ گەیشتە 1000 دینار، بەنزینی موحەسەن بە 1200 دینار و یەك لیتر بەنزینی سۆپەر بە 1350دینار.
راشیگەیاند، تائێستا هۆكاری بەرزبوونەوەی نرخی بەنزین ئاشكرانەكراوە و هەرچەندە پێشتر بڕیاربوو بەغداد بەنزینی 450 دیناری بنێرێت، بەڵام تائێستا ئەو بەڵێنەی حكومەتی عێراق جێبەجێنەكراوە.
