بەڕێوەبەرایەتیی پۆلیسی راپەڕین ئاشکرایکرد، بەهۆی دوو رووداوی تەقەکردنی جیاوازەوە کە بەیانیی ئەمڕۆ روویانداوە دوو کارمەندی هێزە ئەمنییەکان دەستگیرکراون.
لە راگەیەندراوەکەدا پۆلیسی راپەڕین ئاماژەی بەوە کردووە، بەرەبەیانی ئەمڕۆ لە کاتژمێر 4:11 خولەک رووداوێکی تەقەکردن لە شاری رانیە لە گەڕەکی مامۆستایان هەبووە و تەقە لە ماڵێک کرا، رووداوەکە لەلایەن هێزەکانی پۆلیسەوە کۆنترۆڵکرا.
باسی لەوەکردووە کەمێک دوای رووداوی یەکەم لە گەڕەکی کێوەڕەشی رانیە رووداوێکی دیکەی تەقەکردن روویدا و ئەویش کۆنترۆڵکرا.
بەپێی راگەیەندراوەکە، رێکاری یاسایی گیراوەتەبەر و دوو کەس لە سەر هەردوو رووداوی تەقەکردنەکە لەلایەن هێزە ئەمنیەکانەوە دەستگیرکراون کە هەردووکیان کارمەندی هێزە ئەمنیەکانن.
دەشڵێت، لێکۆڵینەوە لەگەڵ ئەو دوو کارمەندەی هێزە ئەمنییەکان بەردەوام دەبێت.
