بڕیارە ئەمڕۆ کۆنفرانسی حەوتەمى خولی دووەمی دیداری یەکێتی لە سلێمانی بەڕێوەبچێت.
سکرتاریەتی لیژنەی باڵای دیداری یەکێتیی نیشتمانیی کوردستان رایگەیاند، کۆنفرانسی حەوتەمی دیدار لە سلێمانی-چەمچەماڵ، کۆمەڵێک تەوەری گرنگ لەخۆدەگرێت، کە میوانداریی روانگەی تێکۆشەر و هەڤاڵانی شارەکە و سنووری چەمچەماڵ دەکات لەسەر سیاسەت و پرسەکانی یەکێتی و رێوشوێنەکانی گەشەپێدان و نوێکردنەوەی ئۆرگانەکانی حزب.
کۆنفرانسەکە، دوابەدوای کۆنفرانسەکانی موسڵ، بادینان، کۆیە، هەولێر، گەرمیان-خانەقین و شارەزور دێت، هاوکات کۆنفرانسەکانی راپەرین و کەرکوک-دوزیش، بەمزووانە کاتەکەیان رادەگەیەنرێت.
یەکەم دیداری یەکێتی بەسەرپەرشتی قوباد تاڵەبانی لە 12ى ئازارى 2022 دەستیپێکرد و لە 31ى ئایارى هەمان ساڵ کۆتایی بە کارەکانی هێنا.
