فێستیڤاڵی هاوینەی سلێمانی دەستپێدەکات

فێستڤاڵی هاوینەی سلێمانی، ئێوارەی ئەمڕۆ دەستپێدەکات و لە کاتی جیاوازدا بۆ ماوەی پێنج رۆژ بەردەوام دەبێت.

فێستیڤاڵەکە تایبەتە با کاری دەستی، دروستکردنی خواردن، وێنەکێشان و میوزیک کە بە گروپی جیاواز و لە کاتی جیاوازدا کارەکانیان نمایش دەکەن.

فێستیڤاڵی هاوینەی سلێمانی ئێوارەی ئەمڕۆ کاتژمێر 7:00 دەستپێدەکات و تاوەکو 11:30ی شەو بەردەوام دەبێت.

فێستیڤاڵەکە لە بەردەرکی سەرای شاری سلێمانی بەڕێوەدەچێت، بۆ ئەو مەبەستەش بەڕێوەبەرایەتیی هاتوچۆ لە بەیانیی ئەمڕۆوە شەقامەکەی داخستووە و تا کاتژمێر 12:00ی شەو ناکرێتەوە.

فێستیڤاڵی هاوینەی سلێمانی لە رۆژانی 15، 22، 29ی ئابدا بەردەوام دەبێت، هەروەها لە مانگی ئەیلولدا لە رۆژانی 5 و 12ی مانگ بەڕێوەدەچێت.