ئێوارەی ئەمڕۆ لەكاتی داخستنی بازاڕی ئاڵوگۆڕی دراودا بەهای دۆلار گۆڕانكاری بەسەرداهات و 100 دۆلار بە 152 هەزار و 850 دینار مامەڵەی پێوەدەكرێت.
پێش نیوەڕۆی ئەمڕۆ بەهای دۆلار بەشێوەیەكی بەرچاو بەرزبووەوە و بەهای 100 دۆلار گەیشتە 153 هەزار دینار و گۆڕانكاری لە نرخەكەیدا روویدا، بەڵام ئێوارەی ئەمڕۆ جارێكی دیكە بەهای دۆلار دابەزینی بەخۆوە بینی و 100 دۆلار بە 152 هەزار و 850 دینار مامەڵەی پێوەدەكرێت.
هەر ئەمڕۆ، عەلی عەلاق پارێزگاری بانكی ناوەندی لە كۆبوونەوەی لەگەڵ ژمارەیەك لە پەرلەمانتارانی ئەنجومەنی نوێنەرانی عێراق رایگەیاند، چەند رێوشوێنێكی نوێ بۆ دابەزاندنی بەهای دۆلار بەرامبەر بە دینار دەگرنەبەر.
