هاوسەری سەلاحەدین دەمیرتاش، هاوسەرۆکی پێشووی هەدەپە، لە چەند تویتێکدا ڕەخنەی توندی لە دادگای باڵای تورکیا گرتووە بەوەی سەرەڕای ئەوەی هیچ تۆمەتێک بەسەر دەمیرتاشدا ساخ نەبووەتەوە، بەڵام هێشتا ئازاد نەکراوە و ئومێدیشی هەیە ئازادبکرێت.
باشاک دەمیرتاش، هاوسەری سەڵاحەدین دەمیرتاش لە چەند تویتێکدا لە تۆڕی کۆمەڵایەتی تیوتەر ڕایگەیاندووە، “سەرەڕای ئەوەی دادگای مافەکانی مرۆڤی ئەوروپا لە زیندان هێشتنەوەی دەمیرتاش بە تاوان دەزانێت و لەناوخۆی تورکیاش چەندجارێک بێتاوانی دەمیرتاش سەلمێندراوە، بەڵام هێشتاش دەمیرتاش بێ هەواڵ لە زیندایە”.
2- Son kararda Avrupa İnsan Hakları Mahkemesi, tüm suçlamaların düşmesine kesin olarak hükmetti. Şimdi, paşa gönlünüz öyle istiyor diye kimseyi suçlu ilan edemezsiniz. Asıl suç olan budur!
— Başak Demirtaş (@Basak__Demirtas) December 24, 2020
باشاک هۆکاری هێشتنەوەی دەمیرتاشی لە زیندان بۆ ئەوە گەڕاندووەتەوە ئەردۆغان، کە ئەو بە سوڵتانی ناوبردووە دەیەوێت دەمیرتاش لە زینداندا بێت.
باشاک ڕاشیگەیاندووە، ئەوە چوار ساڵە دەمیرتاش لە زینداندایە کە نازانن چ تۆمەتێکی بەسەردا ساخبکەنەوە، لەگەڵ ئەوەش ئەشکەنجەی دەرونی دەدەن.
دەسەڵاتدارێتی توركیا لە 4ی تشرینی دووەمی 2016 سەڵاحەدین دەمیرتاش-ی بە تۆمەتی پەیوەندی بە پارتی كرێكارانی كوردستانەوە دەستگیركرد و چەندین تۆمەتی ئاڕاستەکرد، بەڵام هیچ یەک لە تۆمەتەکان بەسەریدا ساخ نەبوونەتەوە.
