بەڕێوەبەرایەتیی کەشناسیی هەرێم بڵاویکردەوە، سبەینێ هەینی پلەکانی گەرما نزمبوونەوە بەخۆیانەوە دەبینن.
بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، “ئەمڕۆ پێنجشەممە ئاسمان لەنێوان ساماڵ و پەڵە هەور دەبێت، پلەکانی گەرما کەمێک بەرز دەبێتەوە بەراورد بە تۆمارکراوەکانى دوێنێ”.
ئاماژەی بەوەشکرد، “سبەینێ هەینی ئاسمان ساماڵ دەبێت لەگەڵ بوونی پەڵە هەوری جیاجیا، ئەگەری بەرزبوونەوەی تۆزێکی سووک هەیە لە کاتەکانی ئێوارە، پلەکانی گەرما لە ناوچە شاخاوییەکان کەمێک نزم دەبێتەوە لە تۆمارکراوەکانى ئەمڕۆ”.
سەبارەت بە بەرزترین پلەکانی گەرما کەشناسیی هەرێم ئاشکرایکرد، “بەرزترین پلەکانی گەرمای پێشبینیکراو لە هەولێر48 پلەى سیلیزى،، سلێمانی 45 پلەى سیلیزى، دهۆک 44 پلەى سیلیزى، کەرکوک 48 پلەى سیلیزى، هەڵەبجە 45 پلەى سیلیزى، زاخۆ46 پلەى سیلیزى، حاجی ئۆمەران 32 پلەى سیلیزى و گەرمیان 49 پلەى سیلیزى دەبێت”.
