لە ساڵیادی رزگارکردنی مەخموردا دژەتیرۆر_CTG رایدەگەیەنێت، خۆیان بە بەرپرسیار دەزانن بەرامبەر پاراستنی بست بە بستی خاکی کوردستان.
هێزەکانی دژە تیرۆر_CTG بڵاویکردەوە، “بەر لە 9 ساڵ و لە رۆژێکی وەک ئەمڕۆدا، هێزەکانی دژەتیرۆر داستانێکی بێوێنەیان تۆمارکرد، کاتێک هەمووان دەستەوەستان بوون و چەندین ناوچە بێ بەرگری رادەستی رێکخراوی تیرۆرستیی داعش کرابوون و تەنها چەند کیلۆمەترێک لەنێوان رێکخراوەکە و هەولێری پایتەختدا هەبوو، هێزەکانی دژەتیرۆر توانیان شارەکە بپارێزن و شارۆچکەی مەخمور بە کەمتر لە کاتژمێرێک کۆنترۆڵ بکەنەوە”.
هەر لە راگەیەندراوەکەدا هاتووە، “دژەتیرۆر_CTG، ئەو هێزەیە کە خۆی بە بەرپرسیار دەزانێت بەرامبەر پاراستنی بست بە بستی خاکی کوردستان و قوربانیدانی هێزەکانی دژەتیرۆر لە ناوچە جیاوازەکانی کوردستان شایەتی ئەو راستییە”.
