لە کاتی بەڕێوەچوونی رێورەسمێکی بانگەشەی هەڵبژاردنەکان فێرناندۆ ڤیاڤیسینسی کاندیدی سەرۆکایەتی ئیکوادۆر کوژرا.
ئێوارەی رۆژی چوارشەممە لە دوای تەووبوونی رێورەسمێکی بانگەشەی هەڵبژاردنەکان فێرناندۆ ڤیاڤیسینسی تەمەن 59 ساڵان و یەکێک لە هەشت کاندیدەکەی سەرۆکایەتیی ئیکوادۆر بە فیشەک کوژرا.
ڤیاڤیسینسی، بڕیار بوو لە 20 ی ئەم مانگە بەشداری گەڕی یەکەمی هەڵبژاردنەکانی وڵاتەکەی بکات، بەڵام دوێنێ لەلایەن یەکێک لە نەیارەکانییەوە کوژرا.
بەوتەی پۆلیسی وڵاتەکە لەکاتی رووداوەکە شەڕە تەقە روویداوە، بەهۆیەوە تۆمەتباری سەرەکی رووداوەکە برینداربووە و دواتر لەکاتی گواستنەوەی بۆ نەخۆشخانە گیانیلەدەستداوە.
