وەزارەتى دارایى هەرێم رەوانەکردنى لیستى مووچەى مانگى شوباتى مووچەخۆران بۆ بەغداد رادەگەیەنێت.
وەزارەتى دارایى و ئابوریى هەرێم رایگەیاند، ئەمڕۆ چوارشەممە لیستی مووچەی مانگی شوباتی فەرمانبەران و مووچەخۆرانی هەرێمی کوردستان لە رێگەی تیمی تەکنیکیی وەزارەتیانەوە رەوانەی بەغداد کرا بەمەبەستی رادەستکردنی بە وەزارەتی دارایی حکومەتی فیدراڵ.
چاوەڕوان دەکرێت پاش وردبینى لە لیستى مووچەدا، بەغداد پشکى تایبەت بە مووچە رەوانەى هەرێم بکات.
لە 3ى ئەم مانگە ئاوات شێخ جەناب، وەزیری دارایی هەرێم پاش چەند رۆژێک کۆبوونەوەى نێوان وەفدى دارایى هەرێم و ناوەند لە كۆنفرانسێكی رۆژنامەوانیدا لە بەغداد رایگەیاند، لەگەڵ وەزارەتی دارایی عێراق گەیشتینە رێككەوتن و بۆ ساڵی 2025 كێشەی مووچەخۆران چارەسەركراوە.
