گەنجێكی خەڵكی سنووری قەزای شێخان لە رووباری خازردا خنكا.
بەڕێوەبەرایەتیی بەرگریی شارستانیی ئاكرێ رایگەیاند، هاوڵاتییەك بەناوی (محەمەد خزر جبرائیل) تەمەن 30 ساڵ و دانیشتووی گوندی هەنجیرۆك-ی سەر بە ناحیەی زێلكان لە قەزای شێخان لە رووباری خازر خنكا.
رووداوەكە لە نزیك گوندی قایماوە و لەكاتی مەلەكردندا روویداوە، وەك ئەوەی بەرگریی شارستانی ئاماژەی پێداوە.
تەرمی گەنجەكە دۆزراوەتەوە و رەوانەی پزیشكی دادوەریی ئاكرێ كراوە.
