بەڕێوەبەرایەتی ئاسایشی شارەزوور رایگەیاند، سێ تۆمەتباریان بە بڕی چوار کیلۆگرام تی ئێن تی و چەندین جۆر چەک و تەقەمەنیی بێمۆڵەت و نایاساییەوە دەستگیرکردووە.
لە راگەیەندراوێکدا بەڕێوەبەرایەتیی پۆلیسی راپەڕین بڵاویکردەوە، سێ تۆمەتبار کە کاری قاچاخچێتیی کڕین و فرۆشتنی چەک و تەقەمەنیی نایاساییان کردووە، لە پارێزگای هەڵەبجە دەستگیرکراون.
تۆمەتبارەکان بە ناوەکانی، ( س، م، م ) و ( ڕ، م، ع ) و (ج، ک، ع ) بە بڕیاری دادوەر راگیراون لێکۆڵینەوەیان لەگەڵدا دەکرێت.
هەروەها دەستگیرا بەسەر بڕی چوار کیلۆگرام تی ئێن تی و 53 پارچە چەکی مامناوەند و چەکی ڕاو و 10 بۆمبی دەستی لەجۆری نارنجۆک و نزیکەی دوو هەزار فیشەکی جۆراوجۆر و چوار دوربینی سەر چەکدا.
