ئەندامێكی ئەنجومەنی نوێنەرانی عێراق رایدەگەیەنێت، دوای بڵاوكردنەوەی رێنماییەكانی یاسای بودجە لە رۆژنامەی فەرمی، ئەگەر هەرێم پابەندی یاسای بودجە بێت ئەوا مووچە و بودجەی بۆ لەمەوبەدوا بۆ رەوانە دەكرێت.
كاروان یاروەیس ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، رۆژی دووشەممە، رێنماییەكانی جێبەجێكردنی بودجەوە بڵاوكراوەیەوە، دوای ئەوەی لەلایەن وەزارەتەكانی پلاندانان و داراییەوە نێردراوە بۆ ئەنجومەنی بەڕێوەبەردنی دەوڵەت وردبینی تێداكراوە و بەو پێیەش بێت بودجە بە شێوازێكی كردارەكی دەچێتە بواری جێبەجێكردنەوە.
راشیگەیاند، ناردنی پشكی هەرێم تەنها پەیوەست نەبووە بە رێنماییەكان، بەڵكو پەیوەست بووە بە داهاتی ناوخۆ و پاكتاوە داراییەكان.
بە بڕوای ئەو پەرلەمانتارە ئەگەر هەرێم پابەندی یاسای بودجە بێت ئەوا تەواوی بڕگەكانی یاساكە جێبەجێدەكرێت و پشكی هەرێم تایبەت بە بودجە و مووچەی بۆ رەوانەدەكرێت.
