درەنگانی شەوی رابردوو لەلایەن هێزەکانی ئاسایشەوە کەسێک بە تۆمەتی کوشتنی کەسێک و بریندابوونی پێنج کەسی دیکە لە ناحیەی شۆڕشی سەر بە قەزای چەمچەماڵ دەستگیرکرا.
دەزگای ئاسایشی هەرێم بڵاویکردەوە، “ئەو تۆمەتبارەی لە رێکەوتی 7 ی ئابی 2023 کاتژمێر 11:00 ی شەو لە ناحیەی شۆڕشی قەزای چەمچەماڵ هاوڵاتییەکی کوشت و بووە هۆی بریندارکردنی پێنج کەسی دیکە، لەسەر فەرمانی دادوەری لێکۆڵینەوە، لەلایەن هێزەکانی بەڕێوەبەرایەتی ئاسایشی رۆژئاوای سلێمانی دەستگیرکرا”.
ئاماژەی بەوەشکرد، “لە ئێستادا تۆمەتبارەکە بە فەرمانی دادوەری لێکۆڵینەوەی ئاسایش راگیراوە”.
