نەوزاد شێخ كامیل بەڕێوەبەری گشتیی بازرگانیی هەرێم لە لێدوانێكدا بە تۆڕی میدیایی ئێستای راگەیاند، گۆڕینی بەشە ئاردی مانگانەی هاوڵاتییان بۆ نان و سەموون بە شێوەیەی ئەزموونییە لە ناوچەیەكی عێراق جێبەجێدەكرێت و ئەگەر سەركەوتوو بوو لە ناوچەكانی دیكەش جێبەجێدەكرێت بە هەرێمی كوردستانیشەوە.
راشیگەیاند، لە بری ئەو بەشە ئاردەی مانگانە دەدرێتە هاوڵاتییان بە جۆرێك كە ئاردەكە دەدرێتە خاوەنی نانەواخانە و سەموونخانەكان كە بۆیان دیاریدەكرێت و كارتێكیش دەدرێتە ئەو خێزانە بە جۆرێك هەر كەسێك مانگانە دەتوانێت 120 نان یاخود سەموون وەربگرێت.
ئاشكراشیكرد، ئەگەر پڕۆسەكە سەركەوتوو بوو بڕیاری كۆتایی لەسەر درا كە لە بەرژەوەندیی هاوڵاتییاندا بوو ئەوا هاوشێوەی عێراق لە هەرێمی كوردستانیش كاری لەسەر دەكرێت.
