عەلی قادر وتەبێژی بەڕێوەبەرایەتیی بەرگریی شارستانیی رانیە لە كۆنگرەیەكی رۆژنامەوانیدا رایگەیاند، كاتژمێر11ی پێشنیوەرۆی ئەمڕۆ تەرمی محەمەد مستەفا دوای چوار رۆژ لە بێسەروشوێنبوونی دۆزرایەوە.
راشیگەیاند، ئەو شوێنەی تەرمەكەی لێدۆزراوەتەوە چەند مەترێك لەو شوێنەوە دووربووە كە ناوبراو تیایدا خنكاوە.
وتیشی، لە ئێستادا تەرمەكەی رادەستی هێزەكانی پۆلیس كراوە و دواتر دەنێرێت بۆ پزیشكی دادی و پێویستە سوپاسی هەریەك لە تیمەكانی بەرگریی شارستانیی كۆیە و لیوای یەكی پاراستنی سلێمانی بكەین كە ماوەی چوار رۆژە هاوكارمان بوون “.
