پێشەوا هەورامانی وتەبێژی حكومەتی هەرێم رایدەگەیەنێت، حكومەتی هەرێم هەموو شتێكی پێویستی رادەستی حكومەتی عێراق كردووە، بەڵام بەغداد پابەندی رێككەوتنەكان نەبووە و دەشڵێت، “نازانم حكومەتی هەرێم دەبێت چیتر بكات بۆ ئەوەی بەغداد مووچە بنێرێت”.
وتەبێژی حكومەت كە قسەی بۆ دەنگی ئەمریكا كردووە وتیشی، “هیوادارین حكومەتی عێراق چیتر ئەم بابەتە نەكاتە كارتێكی سیاسی و فشارێك و مووچەی فەرمانبەرانی هەرێم رەوانە بكات”.
راشیگەیاند، حكومەتی هەرێم بۆ پڕكردنەوەی كورتهێنانی مووچە، پشت بە داهاتی ناوخۆ دەبەستێت و لە رێگای داهاتی ناوخۆوە كورتهێنانی مووچە چارەسەردەكات.
