سەرۆكایەتیی هەرێمی كوردستان كاتی ئەنجامدانی هەڵبژاردنی پەرلەمانی كوردستانی دیاریكرد كە 25ی شوباتی ساڵی 2024 دەبێت.
دڵشاد شەهاب وتەبێژی سەرۆكایەتیی هەرێم رایگەیاند، دیاریكردنی رۆژی هەڵبژاردن لە دەسەڵاتی سەرۆكایەتیی هەرێمە، لەگەڵ ئەوەش هەوڵماندا ئەو بڕیارەی دەدرێت رەنگدانەوەی بۆچوونی سەرجەم لایەنەكان بێت و دیاریكردنی رۆژی هەڵبژاردن ببێتە خاڵی یەكدەنگی”. ئاماژەی بەوەشكرد، “سەردانی سەرجەم لایەنە سیاسییەكانمان كرد و پەیوەندییمان لەگەڵیاندا هەبوو، تا سەرۆكی هەرێم وادەی هەڵبژاردنەكانی دیاریكرد”.
ئاشكراشیكرد، “ئەمڕۆ نێچیرڤان بارزانی سەرۆكی هەرێمی كوردستان مەرسوومێكی هەرێمی تایبەت بە هەڵبژاردنەكانی پەرلەمانی كوردستان دەركرد بەپێی مەرسوومەكە لە 25ی شوباتی 2024 هەڵبژاردنی پەرلەمانی كوردستان ئەنجامدەدرێت”.
