بەرپرسی فەرمانگەی میدیا و زانیاریی هەرێمی کوردستان رایگەیاند، لەم هەفتەیەدا دابەشکردنی مووچەی فەرمانبەرانی هەرێمی کوردستان دەستپێدەکات.
جوتیار عادل بەرپرسی فەرمانگەی میدیا و زانیاری حکومەتی هەرێمی کوردستان رایگەیاند، لەم هەفتەیەدا دەستدەکرێت بە دابەشکردنی مووچەی مانگی حوزەیرانی مووچەخۆران.
سەرۆکی فەرمانگەی میدیا و زانیاری لە کۆنگرەیەکی رۆژنامەوانیدا وتی، حکومەتی هەرێمی کوردستان سەرجەم پابەندییەکانی بەرامبەر بەغداد جێبەجێکردووە و چاوەڕێ دەکەین بەغداد شایستەکانی هەرێم بنێرێت و ئەوکاتە راستەوخۆ دەستدەکرێت بە دابەشکردنی مووچە.
دەڵێت، “لە یەک دوو رۆژی داهاتوودا حکومەتی عێراق شایستەکانی هەرێم دەنێرێت و مووچە لەم هەفتەیەدا دابەشدەکرێت”.
ئەمە لەکاتێکدایە دابەشکردنی مووچەی مانگی حوزەیرانی ئەمساڵ تاوەکو ئێستا دەستیپێنەکردووە و ئەمڕۆ زیاتر لە دوو مانگ بەسەر دابەشکردنی مووچەی مانگی ئایاردا تێدەپەڕێت.
