شێركۆ جەودەت ئەندامی خولی پێنجەمی پەرلەمانی كوردستان لە لێدوانێكدا بە تۆڕی میدیایی ئێستای راگەیاند، بەپێی بەدواداچوونەكان بەرزبوونەوەی نرخی بەنزین بەهۆی گرانبوونی نرخی نەوتەوەیە لە بازاڕەكانی جیهاندا كە وایكردووە بەشێك لە بازرگانەكان نرخی بەنزین گرانبكەن و وتیشی، “پێویستە سووتەمەنی بۆ پاڵاوگە ناوخۆییەكان دابینبكرێت تا بتوانرێت بەنزین بۆ ناوخۆ بەرهەمبهێنن”.
راشیگەیاند، یاسای بودجە جێبەجێبكرێت و لە بەغدادەوە بەنزینی 450 دیناری بنێرێت كۆتایی بە یاریكردنی نرخی بەنزین دەهێنێت و چیتر خواست لەسەر بەنزینی بازرگانی وەك پێشتر نامێنێت.
ئاماژەی بۆ ئەوەش كرد، دەبێت سووتەمەنی بە نرخی پاڵپشتیكراو هاوشێوەی پارێزگاكانی عێراق بۆ هەرێمی كوردستان دابینبكرێت.
ماوەی چەند رۆژێكە نرخی بەنزین لە زۆربەی شارەكانی هەرێمی كوردستان و بە تایبەت هەولێر بەرزبوونەوەی بەرچاوەی بەخۆوە بینیوە.
