لە یەکێک لە کۆگاکانی پاڵاوگەی کۆمپانیای کار، ئەمڕۆ پێنجشەمە 24ی کانونی یەکەم، کاتژمێر 10:00ی پێشنیوەڕۆ ئاگر کەوتەوە و پێنج کەس گیانیانلەدەستدا و برینداربوون.
پەیامنێری تۆڕی میدیایی ئێستا، ئەیوب عەلی وەرتی ڕایگەیاند، لە ئاگرەکەدا سێ کەس گیانیانلەدەستداوە و دوو کەسی دیکەش برینداربوون.
وتەبێژی بەڕێوبەرایەتیی بەرگریی شارستانی هەولێر ڕایگەیاند، ئەو سێ کەسەی گیانیانلەدەستداوە و ئەوانەشی بریندار بوون، سەرجەمیان کوردن و کرێکاری کۆمپانیاکەن.
بەپێی وتەبێژی بەرگریی شارستانی هەولێر، هۆکاری ئاگرەکە تاوەکو ئێستا نەزانراوە و لێکۆڵینەوەکان بەردەوام دەبن چونکە کەسانێک لەو ڕوداوەدا گیانیانلەدەستداوە.
