دوای نیوەڕۆی ئەمڕۆ لە نزیک تونێلی ماوەران ئۆتۆمبێلێک کۆنتڕۆڵی لەدەستدا و کەوتە دۆڵێکەوە.
فازل حاجی وتەبێژی هاتوچۆی هەولێر بڵاویکردەوە، “دوای نیوەڕۆی ئەمڕۆ، لەسەر رێگای نێوان میراوە و تونێلی ماوەران، لە سنووری قەزای شەقڵاوە، ئوتومبێلێکی جۆری کیا موهاڤی بەهۆی تیژڕۆیی کۆنتڕۆڵی لەدەستدا و لە رێگا دەرچوو بەرەو هەڵدێرێک و چەند تەقلەیەکی لێدا تاکو گەیشتە کۆتایی دۆڵەکە”.
ئاماژەی بەوەشکرد، “لە رووداوەکە شۆفێرەکەی گیانیلەدەستدا و زیانی ماددی زۆریش بەر ئۆتۆمبێلەکە کەوت”.
