دەسەڵاتی بەڕێوەبەرایەتیی گشتی دەدرێتە ئیدارە سەربەخۆکان

وەزارەتی کارەبا ڕایگەیاند، دەسەڵاتی بەڕێوەبەرایەتیی گشتی دەدرێتە ئیدارە سەربەخۆکان و ئێستا ئیدارەی ڕاپەڕین ئەو دەسەڵاتەی وەرگرتووە.

بەمەبەستی چۆنییەتیی پێدان و بەکارهێنانی دەسەڵاتەکانی بەڕێوەبەری گشتی بە هەرسێ ئیدارەی سەربەخۆی سۆران، ڕاپەڕین و زاخۆ، ئەردەڵان شوکری، بەڕێوەبەری گشتیی دیوانی وەزارەتی کارەبا، لەگەڵ بەڕێوەبەرانی دابەشکردنی کارەبای هەرسێ ئیدارەکە کۆبووەوە.

بەڕێوەبەرایەتیی دابەشکردنی کارەبای هەرسێ ئیدارەکە، کە ڕاستەوخۆ نەکراونەتە بەڕێوەبەرایەتیی گشتی، ڕاستەوخۆ بە وەزارەتی کارەباوە دەبەسترێنەوە، هاوشێوەی پارێزگاکان و ئیدارەى سەربەخۆی گەرمیان، بە دەسەڵاتی بەڕێوەبەری گشتییەوە،  کاروبارەکانیان ڕاییدەکەن.

بەڕێوەبەری دابەشکردنی کارەبای هەرسێ ئیدارەکە لە کۆبوونەوەکەدا چۆنییەتیی بەکارهێنانی دەسەڵاتی بەڕێوەبەرە گشتییەکانیان لە بواری ئیداری و تەکنیکیدا بۆ ڕوونکرایەوە، وەك ڕاگەیەندراوی وەزارەتی كارەبا دەڵێت.

ئاماژەی بۆ ئەوەش كردووە كە بەرپرسانی بەشە جیاوازەکانی وەزارەت، لە کۆبوونەوەکەدا بە شێوەیەکی پراکتیکی شێوازی مامەڵەکردنی کارەبای هەرسێ ئیدارە سەربەخۆكەیان وەک بەڕێوەبەرایەتیی گشتی خستەڕوو، کە پێویستە بەڕێوەبەرانی دابەشکردنی کارەبای ئەم سێ ئیدارەیە، بە دەسەڵاتی بەڕێوەبەری گشتی کارەكانیان بەڕێوەببەن.

بابەتی پێشتر

ئەمریكا بووەتە گەورەترین بەرهەمهێنەری نەوت و غازەكەشی ڕوسیا لە ئەوروپا وەدەردەنێت

بابەتی دواتر

دادگای باڵای فیدراڵی: یاسای نەوت و گازی هەرێم نادەستوورییە

بابەتی پەیوەندیدار
زیاتر ببینە

پشووی ڕۆژانی شەممە نامێنێت؟

سەرۆكی ڕێكخراوی یەكێتیی مامۆستایانی كوردستان ڕوونكردنەوە لەبارەی هەڵوەشاندنەوەی پشووی ڕۆژانی شەممە لە ناوەندەكانی خوێندن دەدات و جەختیشدەكاتەوە هەر…
Total
0
Share