ئەمڕۆ پێنجشەممە، تیروپشکی پاڵاوتنەکانی کیشوەری ئاسیا بۆ مۆندیالی 2026 و جامی نەتەوەکانی ئاسیای 2027 ئەنجامدرا.
قۆناغی یەکەمی پاڵاوتنەکان لە دیاریکردنی ئاستی چوارەمەوە دەستپێدەکات، بۆ سەرکەوتنی هەڵبژاردەکانی ئاستی چوارەم و یەکێک لە هەڵبژاردەکانی ئاستی سێیەم.
تیروپشکی قۆناغی دووەمیش کە 36 هەڵبژاردە لەخۆدەگرێت و لە نۆ کۆمەڵە پێکهاتووە، یەکەم و دووەمەکان دەگەن بە قۆناغی سێیەم و جامی ئاسیا، کە بڕیارە لە قەتەر سازبکرێت.
قۆناغی سێیەمیش 18 هەڵبژاردە لەخۆدەگرێت و لە سێ کۆمەڵە پێکدێت، یەکەم و دووەمی کۆمەڵەکان بەشداری مۆندیال دەکەن و سێیەم و چوارەم ناچارن پاڵاوتنی چوارەم ئەنجامبدەن.
ئەنجامی تیروپشکەکە بەم جۆرەیە:
کۆمەڵەی یەکەم: قەتەر – هیندستان – کوەیت – ئەفغانستان یان مەنگۆلیا.
کۆمەڵەی دووەم: ژاپۆن – سوریا – کۆریای باکوور – میانمار یان ماکاو.
کۆمەڵەی سێیەم: کۆریای باشوور – چین – تایلاند – سەنگافورە یان گوام.
کۆمەڵەی چوارەم: عومان – قرغیزستان – مالیزیا – تایوان یان تیمۆری ڕۆژهەڵات.
کۆمەڵەی پێنجەم: ئێران – ئۆزبەکستان – تورکمانستان – هۆنگ کۆنگ یان بۆتان.
کۆمەڵەی شەشەم: عێراق – ڤێتنام – فلیپین – ئێندۆنیسیا یان برونای.
کۆمەڵەی حەوتەم: سعوودیە – ئوردن – تاجیکستان – کەمبۆدیا یان پاکستان.
کۆمەڵەی هەشتەم: ئیمارات – بەحرەین – یەمەن یان سریلانکا – نیپاڵ یان لائۆس.
کۆمەڵەی نۆیەم: ئوسترالیا – فەلەستین – لوبنان – ماڵدیڤ یان بەنگلادیش.
