کریستیانۆ چۆن ڕیجیم دەکات؟ هەرزانترین خواردنەکان دەخوات..

جیۆرجیۆ بارۆنی، شێفی پێشووی کریستیانۆ ڕۆناڵدۆ ئەو ڕیجیمە ئاشکرا دەکات، کە یاریزانە پۆرتوگالییەکە لە ژیانی ڕۆژانەیدا پەیڕەوی دەکات.

بارۆنی بە «دەیلی میرەر» ی ڕاگەیاندووە، لەماوەی سێ ساڵی یاریکردنی «دۆن» بۆ یانەی یوڤانتۆس، توانیویەتی بە باشترین شێوە سیستەمی خۆراکیی یاریزانەکە بگۆڕێت و لە ژیانیدا بیچەسپێنێت، بە جۆرێک کە فاسۆلیا یەکێک بووە لەو پاقلەمەنییانەی لە زۆرینەی ژەمە خۆراکەکانیدا بەکاریهێناوە.

شێفە ئیتاڵییە ناودارەکە دەڵێت، «پێویستە یاریزان بەوپەڕی توانایەوە گرنگی بە جەستە و تەندروستیی خۆی بدات، وەک چۆن گرنگی بە ئۆتۆمبێلێکی فێراری دەدات.»

هەروەها دەڵێت، «کریستیانۆ خواردنە تەندروستەکان بەکاردەهێنێت، خواردنە فرێشەکان لە نموونەی ماسی، مریشک، گۆشتی گوێرەکە، هێلکە و ئەدڤۆکات و زەیتی گوێزی هیندی و برنجی ڕەش، خۆراکەکانی کریستیانۆ هەرزانن و هەندێجار پڕۆتینیان زۆر تێدایە و خاوێنن لە شەکر و کاربۆهیدرات و چەوری، ئەم سیستمە، یاخود ئەم ڕیجیمە هەر بۆ خۆی نەبووە، بەڵکو بۆ جۆرجینای هاوسەری و چوار منداڵەکەشیم داڕشتووە».

چێشتلێنەرەکەی کریستیانۆ زیاتر دەدوێت و دەڵێت، «خێزانەکە بەگشتی حەزیان لە خواردنە دەریایییەکانە، لە نموونەی پاون، هەشتپێ، هەروەها گۆشتی گوێرەکە، پاقلەمەنییەکان کە دەکرێن بە زەڵاتە، بەهۆی ئەوەی وزەیەکی زۆر بەکاردەخەن، هەندێک زەیت و شلەمەنی گرنگ بوو بۆیان، زەیتی گوێز هیندم بەکاردەهێنا و ئاوخواردنەوەشیان زۆربوو، ئاوی خاوێن، هەموو ئەمانە لەگەڵ ڕاهێنانی قورس و خەوتنی دوای نیوەڕۆ و خواردنی زوو لە ئێواران، نەک درەنگانی شەو».

بابەتی پێشتر

قەدیرۆڤ: ئێمە شەڕ لەگەڵ ناتۆ دەکەین

بابەتی دواتر

جارێكی دیكە لێخۆشبوون لە وەرگرتنەوەی پێشینەكان درێژكرایەوە

بابەتی پەیوەندیدار
زیاتر ببینە

بەرشلۆنە ڤاکسینی دارایی وەردەگرێت

ڕۆژنامەنووسێکی ئیسپانی جەخت لەوە دەکاتەوە، لە داهاتوویەکی نزیکدا یانەی بەرشلۆنە یەکێک لە گەورەترین بۆندەکانی سپۆنسەریکردن لەگەڵ کۆمپانیایەکی گەورە…
Total
0
Share