بەیانیی ئەمڕۆ بافڵ جەلال تاڵەبانی سەرۆکی یەکێتیی نیشتمانیی کوردستان گەیشتە بەغداد و ئێستا لەگەڵ سەرۆک وەزیرانی عێراق لە کۆبوونەوەدایە.
بافڵ جەلال تاڵەبانی بەسەرۆکایەتیی شاندێکی باڵا لە بەغدادە، لە یەکەم دیداریدا لەگەڵ محەمەد شیاع سودانی سەرۆک وەزیرانی عێراق کۆبووەوە.
ئەمە لەکاتێکدایە دابەشکردنی مووچە و ناردنی پارە لە بەغدادەوە بۆ مووچەی فەرمانبەرانی هەرێم تا ئێستا نەگیشتووەتە هەرێمی کوردستان و پرسی بودجەی هەرێمیش شەوی رابردوو لەلایەن هەر چوار سەرۆکایەتییەکەی عێراقەوە تاوتوێکرا.
لە کۆبوونەوەی دوێنێی سەرۆکایەتییەکانی عێراقیشدا جەختکرایەوە، کە دەبێت سەرجەم ماددەکانی یاسای بودجە کە پەیوەستە بە هەرێمی کوردستان و رادەستکردنی داهاتە نەوتی و نانەوتییەکان جێبەجێ بکرێت.
