بافڵ جەلال تاڵەبانی، سەرۆکی یەکێتیی نیشتمانیی کوردستان پێشوازیکرد لە جانێت ئەلبێردا، باڵیۆزی هۆڵندا لە عێراق.
لە کۆبوونەوەکەدا، هەردوولا هاوڕابوون لەسەر پەرەپێدانی پەیوەندییەکانیان و بەردەوامی هاریکارییەکانی نێوان هەردوولا لە سەرجەم بوارەکاندا کە ببێتە مایەی بوژاندنەوەی زیاتری هەرێمی کوردستان.
هاوکات، بافڵ جەلال تاڵەبانی پێزانینی بۆ هاوکارییە سەربازییەکانی هۆڵندا بۆ هەرێمی کوردستان و عێراق خستەڕوو و رایگەیاند، “هێشتا مەترسییەکانی تیرۆریستانی داعش ماون و هیوادارم لە پشتیوانییەکانتان بۆ هێزی پێشمەرگە بەردەوامبن”.
هەروەها، کۆبوونەوەکە چەند تەوەرێکی دیکەشی لە خۆگرتبوو، لەوانە: باسکردن لە دۆخی سیاسیی عیراق و ناوچەکە، پێکهێنانی کابینەی نوێی حکومەتی هەرێمی کوردستان و هەڵبژاردنەکانی ئەنجوومەنی نوێنەرانی عێراق.
