سۆران عومەر ئەندامی ئەنجومەنی نوێنەرانی عێراق لە لێدوانێكی رۆژنامەوانیدا رایگەیاند، چاوەڕواندەكرێت لە چەند رۆژی داهاتوودا رێنمایی تایبەت بە یاسای بودجە دەربكرێت و بخرێتە بواری جێبەجێكردنەوە و هاوكات زانیاریی نوێ لەبارەی دابەشكردنی مووچەی مانگەكانی شەش و حەوت ئاشكرادەكات.
راشیگەیاند، دەبێت هەرێم و بەغداد پاكتاوی دارایی نێوانیان بكەن بەوەش بڕە پارەیەك بۆ هەرێمی كوردستان دەمێنێتەوە و دەتوانرێت مووچەی مانگی شەشی فەرمانبەرانی هەرێمی كوردستان بدرێت.
ئاشكراشیكرد، دوای دەركردنی رێنماییەكانی یاسای بودجە، حكومەتی عێراق بەشە بودجەی هەرێم دەنێرێت و بەوەش دەتوانرێت مووچەی مانگی حەوتی فەرمانبەرانی هەرێمی كوردستان بدرێت.
