مەسرور بارزانی، سەرۆکوەزیرانی ھەرێمی کوردستان، درەنگانی شەوی ڕابردوو چوارشەمە 21ی تشرینی یەکەم ڕایگەیاند، بە بودجەی 332 ملیۆن دۆلار 42 پرۆژەی نیشتەجێبوون و بیناسازییان خستووەتەگەڕ.
مەسرور بارزانی لەبارەی هەنگاوەکانی حکوومەتی هەرێمی کوردستان لەبواری نیشتەجێکردن، لە ھەژماری تایبەتی خۆی لە تۆڕی کۆمەڵایەتی تویتەر ڕایگەیاندووە، دەیانەوێت نرخی یەکەی نیشتەجێبوون بۆ خەڵکی ھەرزان بکەن، ھەر لەبەر ئەوەشە وەبەرھێنان لە پرۆژەکانی نیشتەجێبوون لە سەرتاسەری ھەرێمی کوردستان دەکەن.
مەسرور بارزانی نووسیوویەتی “بە بودجەی 332 ملیۆن دۆلار 42 پرۆژەی نیشتەجێبوون و بیناسازییان خستووەتەگەڕ”.
سەرۆکوەزیرانی هەرێمی کوردستان، مەسرور بارزانی ڕاشیگەیاندووە، “ئەمە دەبێتە ھۆی ئەوەی شوێنەکانی نیشتەجێبوون نرخیان بۆ هاوڵاتییان گونجاو بێت و ژیانێکی شەرەفمەندانە بژین”.
