بافڵ جەلال تاڵەبانی، سەرۆكی یەكێتیی نیشتمانیی كوردستان بە هاوڕێیەتی شاڵاو كۆسرەت رەسوڵ لە شاری سلێمانی سەردانی خانەوادەی كاك جەبار فەرمانی سەركردە و تێكۆشەری كرد.
لە سەردانەكەدا سەرۆك بافڵ جەلال تاڵەبانی لە نزیكەوە پرسە و هاوخەمیی قووڵی خۆی بۆ كۆچی دوایی خاتوو (سەبیحە شیر محەمەد) ژنە تێكۆشەری شاخ و هاوژینی سەركردەی كۆچكردوو كاك جەبار فەرمان، گەیاندە بنەماڵەكەی و هیوای خواست ئەمە دوایین خەمی بنەماڵە سەربەرزەكەیان بێت.
