بزووتنەوەی ئیسلامیی کوردستان، دوای شەش ساڵ دوازدەمین کۆنگرەی دەبەستێت و پەیکەری حزبەکەی نوێدەکاتەوە و ناوی کۆنگرەکەشی ناوە “کۆنگرەی ڕەسەنایەتی”.
سەرچاوەیەک لە بزووتنەوەی ئیسلامییەوە بۆ تۆڕی میدیایی ئێستا پشتڕاستیکردەوە کە ڕۆژی 5ی مانگی شوبات، یەکەم ڕۆژی کۆنگرە لە شاری هەولێر دەستپێدەکات و تێیدا 450 ئەندام بەشدار دەبن.
لیژنەی باڵای ئامادەكاریی كۆنگرەی بزووتنەوەی ئیسلامیی، تەواوی ئەجێندا و پەڕەی كار و لایەنی ھونەریی و میدیایی و ھۆڵسازیی و پرۆسەی بەڕێوەچوونی كۆنگرەی دوانزەی ئامادەكردووە.
بزوتنەوەی ئیسلامی لە ساڵی 1978ەوە دامەزراوە و یەکەم کۆنگرەی لە ساڵی 1985 دا ئەنجامداوە و کۆتا کۆنگرەشی ساڵی 2016 بوو.
