بەهۆی بەرزبوونەوەی پلەكانی گەرماوە پارێزگاری دیوانییە بڕیاریدا كاتی فەرمیی دەوام كەمبكاتەوە.
بەپێی بڕیارەكەی مەیسەم عەبدولئیلاهـ، پارێزگاری دیوانیە دەوام تا كاتژمێر 1:30 خولەك دەبێت و ئەوەش تا 31ی ئاب بەردەوام دەبێت.
پێشتر هەریەك لە پارێزگاكانی بەسڕە، موسڵ و دیالە كاتی دەوامیان بەهۆی بەرزبوونەوەی پلەكانی گەرماوە كەمكردەوە، بەڵام دواتر حكومەتی خۆجێی بەسڕە بڕیارەكەی هەڵوەشاندەوە كاتی دەوامی بۆ 3ی پاش نیوەڕۆ گەڕاندەوە.
بڕیارەكە لەكاتێكدایە شەپۆلێكی گەرما عێراق، ناوچەكە و بەشێك لە وڵاتانی جیهانی گرتووەتەوە و لە هەندێك لە شار و ناوچەكان پلەی گەرما 50 پلە و زیاتری بەخۆیەوە بینیوە.
