هێزە ئەمنییەكانی عێراق سێ ژن و پیاوێكیان دەستگیركرد كە پارەی گەشتیارانی ئایینی و زیارەتكارانیان دزیوە.
گڵكۆی “ئیمام تاجەدین” دەكەوێتە پارێزگای واست لە باشووری عێراق، ڕۆژانە كاتێك زیارەتكاران سەردانی دەكەن و سەرقاڵی سرووتەكانیان دەبن، سێ ژن و پیاوەكە پارەكانیان دەدزن و پیشەی هەمیشەییان بووە، وەك پۆلیسی پارێزگاكە دەڵێت.
بەڕێوەبەرایەتیی پۆلیسی واست لە ڕاگەیەندراوێكدا ئەمڕۆ پێنجشەممە ڕایگەیاند، ئەندامانی باندەكە لە كاتی ئەنجامدانی دزیكردندا دەستگیركراون و بڕێك پارەیان پێبووە كە ئەمڕۆ دزیویانە.
