پۆلیسی ژاپۆن ژنێکی تەمەن 50 ساڵی دەستگیرکرد کە 2761 پەیوەندیی تەلەفۆنیی بەپەلەی بە درۆ ئەنجامداوە.
هیرۆکۆ هاتاکامی کە پەرستارێکە لە شاری ماتسۆدۆی تۆکیۆ لە ماوەی دوو ساڵدا لەرێگەی تەلەفۆنەکەیەوە 2761 پەیوەندیی تەلەفۆنیی بەپەلەی لە نەخۆشخانەوە ئەنجامداوە و هیچ پەیوەندییەکیشی بنەمای راستی نەبووە.
تۆمەتبارەکە دانیناوە بەوەی هەستی بە تەنیایی کردووە و ویستوویەتی بەو رێگەیە کەسێک گرنگی پێبدات ئەگەر بۆ کاتێکی کەمیش بێت.
ئەو ژنە لە پەیوەندییە تەلەفۆنییەکانیدا داوای ئۆتۆمبێلی ئامبوڵانسی کردووە، بە بیانووی ئەوەی حەبی زیادەی خواردووە یان گەدەی ئازاری هەیە، هەروەها ئازاری توند لە قاچەکانیدا.
