ئاسایشی هەولێر بڵاویکردەوە، دوو لەو کەسانەی هێرشیان کردە سەرهاوڵاتییەک لە شەقامی 60 مەتری شاری هەولێر دەستگیرکران، دۆسیەکە پەیوەندی بە کێشەی نێوان خەزوور و زاواوە هەبووە.
بەڕێوەبەرایەتیی ئاسایشی هەولێر بڵاویکردەوە، “دوای ئەوەی سەر لە ئێوارەی دوێنێ دووشەممە لە شەقامی 60مەتریی شاری هەولێر، سێ چەکدار هێرشیان کردە سەر هاوڵاتییەک و لێیاندا و ئازاریان دا، دەستبەجێ لەلایەن تیمەکانمان لە بەڕێوەبەرایەتیی ئاسایشی هەولێر دەست بە لێکۆڵینەوە و بەدواداچوون کرا و لە ماوەیەکی کەمدا توانیمان ناسنامەی ئەو کەسانە ئاشکرا بکەین، دەرکەوت کێشەیەکی کۆمەڵایەتییە و زاوا خەزوری یەکترن، خۆیان رادەستی بەڕێوەبەرایەتییەکەمان كرد”.
ئاماژەی بەوەشکرد، “دوای وەرگرتنی رەزامەندیی دادوەری لێکۆڵینەوەی ئاسایشی هەولێر، دوو لەو تۆمەتبارانە بە ناوەکانی (م ،ك ، أ) و (أ، ك ، أ) رووبەڕووی یاسا كرانەوە، بەدواداچوون بەردەوامە بۆدەستگیرکردنی تۆمەتباری سێیەم”.
