لە سێ رووداوی جیادا سێ كەس لە رووباری خابووردا خنكان، تەرمی دووان لە قوربانییەكان دۆزرایەوە.
بەڕێوەبەرایەتیی بەرگریی شارستانیی زاخۆ رایگەیاند، گەنجێک بەناوی (ئە. ئا. ی.) تەمەن 15 ساڵان و دانیشتووی سێمێل، لە سنووری گوندی دولا لە رووباری خابوور خنکا و دوای گەیشتنی تیمەکانیان، تەرمەكەی دۆزرایەوە.
هەر ئەمڕۆ لە ئیبراهیم خەلیل تازەلاوێك بەناوی (م. ئە. ص.) تەمەن 13 ساڵان خنکا. وەك ئەوەی بەرگریی شارستانیی زاخۆ ئاماژەی پێداوە و ئەوەشی خستەڕوو، منداڵێکیش لە سنووری بەرە گەورا بە هەمان شێوە لە رووباری خابوور خنکا و تەرمەکەی دۆزرایەوە و رەوانەی نەخۆشخانەی زاخۆ كرا.
