بافڵ جەلال تاڵەبانی، سەرۆكی یەكێتیی نیشتمانیی كوردستان بۆ ئەنجامدانی چەندین دیداری سیاسی و كۆبوونەوەی گرنگ گەیشتە بەریتانیا.
لە دەستپێكی سەردانەكەیدا كە شاڵاو كۆسرەت رەسوڵ هاوڕێیەتی دەكات، سەردانی چات هام هاوسی كرد و گفتوگۆیەكی كراوەی لەگەڵ چەندین سیاسەتمەدار، پەرلەمانتار، ئابوریناس و ژمارەیەك رۆژنامەنووس و لێكۆڵەری كورد ئەنجامدا و دوایین گۆڕانكارییە سیاسی، ئابوری و ئەمنییەكانی هەرێم و عێراقی خستەڕوو.
هەروەها دید و ستراتیژی یەكێتی سەبارەت بە پەیوەندی نێوان لایەنە سیاسییەكانی هەرێم، میكانیزمەكانی چارەسەركردنی كێشەكان و باشتركردنی حوكمڕانی روونكردەوە.
كۆبوونەوەكانی سەرۆك بافڵ جەلال تاڵەبانی بەردەوامدەبێت و تێیدا چەندین پرسی گرنگ تاوتوێدەكرێن.
