دەزگای ئاسایشی نیشتمانیی عێراق رایدەگەیەنێت، تۆمەتبارێكیان دەستگیركردووە كە خۆی وەك راوێژكار لە نووسینگەی سەرۆك وەزیرانی عێراق لە بەغداد ناساندووە.
بەپێی راگەیەندراوێكی دەزگای ئاسایشی نیشتمانیی عێراق تێیدا هاتووە، بەپێی زانیارییە هەواڵگرییەكان، كەسێك كە خەڵكی پارێزگای بابلە چەند پلەیەكی حكومی بەفێڵ بۆ خۆی بەكارهێناوە، لەوانەش راوێژكار لە نووسینگەی محەمەد شیاع سودانی سەرۆك وەزیرانی عێراق و لەو رێگەیەشەوە پارەی لە هاوڵاتییان وەرگرتووە.
هەر لە راگەیەندراوەكەدا هاتووە، رەزامەندی دادوەر وەرگیراوە و تۆمەتبارەكە لە قەزای مەنسووری بەغداد دەستگیركراوە، بەپێی یاسای سزادانی عێراقی دەستبەسەرە و لێكۆڵینەوەی لەگەڵ ئەنجامدەدرێت.
