بەڕێوەبەری بەنداوی دوكان رایدەگەیەنێت، رۆژانە ئاستی ئاوی بەنداوی دوكان 4 بۆ 5 سانتیمەتر دادەبەزێت و دڵنیایش بە هاوڵاتییان دەدات كە هیچ كێشەیەك بۆ دابینكردنی ئاوی خواردنەوەی هاوڵاتییان دروستنابێت.
كۆچەر جەمال بەڕێوەبەری بەنداوی دوكان لە لێدوانێكدا بە تۆڕی میدیایی ئێستای راگەیاند، ئەمساڵ ئاستی ئاوی بەنداوەكە زۆر نزیكە لە ئاستی ئاوی ساڵی رابردوو و وتیشی، “بەپێی ئەو بەرنامە و پلانەی دانراوە ئاو لە بەنداوەكە بەردەدرێتەوە و مانگانەش پێداچوونەوەی پێدەدەكرێت”.
ئاشكراشیكرد، لەم وەرزەدا رۆژانە 4 بۆ 5 سانتیمەتر بە تێكڕا ئاستی ئاوی بەنداوی دوكان دادەبەزێت، بەڵام لەگەڵ ئەوەشدا بە پێی ئەو پلانەی دانراوە ئاو بەردەدرێتەوە و هیچ گرفتێك بۆ دابینكردنی ئاوی خواردنەوەی هاوڵاتییان دروستنابێت.
