بانكی ناوەندیی عێراق دوو بڕیاری نوێی بۆ دابەزاندنی بەهای دۆلار بەرامبەر بە دیناری عێراقی دەركرد و هەردوو بڕیارەكەش لە رۆژی یەكشەممەی داهاتووەوە جێبەجێدەكرێن.
بەپێی نووسراوێكی بانكی ناوەندیی عێراق تێیدا هاتووە، بڕیاریانداوە لە رۆژی یەكشەممەی داهاتووەوە پشكی دۆلار بۆ گەشتیاران لە رێگەی ئاسمانی و وشكانییەوە بكرێتە 3 هەزار دۆلاری مانگانە.
لە نووسراوێكی دیكەی بانكەكەدا كە هەر ئەمڕۆ دەركراوە ئاماژە بۆ ئەوەش كراوە، لەپێناو بەدیهێنانی ئامانجەكانی بانك بۆ سەقامگیریی بەهای ئاڵوگۆڕ و بەرامبەر دینار لە بازاڕدا بڕیاریاندا بە زیادكردنی بڕی دۆلاری كاش و لەگەڵ ئەوەشدا پێدانی دۆلاری كاش بە كۆمپانیاكانی ئاڵوگۆڕی دراو لە هەفتەیەكدا زیادبكەن بۆ 750 هەزار دۆلار بۆ هەر كۆمپانیایەك و بڕیارەكەش لە ڕۆژی یەكشەممەی داهاتووەوە جێبەجێدەكرێت.
