دكتۆر هەڤاڵ ئەبوبەكر پارێزگاری سلێمانی رایگەیاند، بەڕێوەبەرایەتیی دارستان و پاوانی سلێمانی و رێكخراوی خۆراكی جیهانیی WFP هەڵمەتی بەرفراوانی سەوزكردن و نەمام چاندن لە سنووری پارێزگای سلێمانی ئەنجامدەدەن بۆ زیادكردنی رووبەری سەوزایی و دارستانی لە سنوورەكە.
پارێزگای سلێمانی وتیشی، “ئەمڕۆ لەگەڵ هاوكار جەلال بەڕێوەبەری دارستان و پاوانی سلێمانی و بەڕێوەبەری رێكخراوی خۆراكی جیهانیی WFP كۆبووینەوە بۆ داڕشتنی پلانی پێویست بۆ هەڵمەتەكە و ئامانجەكانی”.
هاوكات جەخت لەسەر بەردەوامیی هەماهەنگی و چالاكییە هاوبەشەكانی هەردوولا لە بوارەكانی سەوزكردن و پاراستنی ژینگە كرایەوە بە تایبەت دوای جێبەجێكردنی پڕۆژەی فراوانكردن و زیادكردنی توانای بەرهەمهێنانی نەمامگەی سەرچنار بۆ یەك ملیۆن و پێنج سەد هەزار نەمام.
