ئەمڕۆ لە شاری کەرکوک کچێک باوکی خۆی کوشت، وتەبێژی پۆلیسی شارەکەش دەڵێت، رووداوەکە تاوانکارییە.
عامر نوری وتەبێژی پۆلیسی کەرکوک بە تۆڕی میدیایی ئێستای راگەیاند، “ئەمڕۆ ئاگادارکراینەوە لە رووداوێکی کوشتن لە گوندی مەرزیخەی سەر بە ناحیەی شوان، لە سنووری پارێزگای کەرکوک”.
ئاماژەی بەوەشکرد، “دوای ئەوەی تیمەکانمان گەیشتنە شوێنی رووداوەکە دەرکەوت کچێک لە کاتی خەودا بە فیشەک باوکی خۆی کوشتووە”.
ئاشکراشیکرد، “کچەکە تەمەنی 14-15 ساڵان دەبێت، باوکیشی تەمەنی لە دەوری 50 ساڵاندایە، تا ئێستا هۆکاری رووداوەکە نازاندرێت، بەڵام ئەوە دڵنیاین کە تاوانکارییە و لە ئێستادا کچەکە دەستگیرکراوە و لێکۆڵینەوەکان بەردەوامن”.
