کارلۆ ئەنچیلۆتی، سەرۆکی یانەی ڕیاڵ مەدریدی ڕاسپاردووە، لە هاوینی 2024 چاڤی ئەلۆنسۆ وەک جێگرەوەی دەستنیشان بکات.
بەپێی زانیارییەکانی پۆرتاڵی “ئۆکەی دیاریۆ”، ئەم وەرزە دوا وەرزی ئەنچیلۆتی-یە لە ڕیاڵ مەدرید و هاوینی 2024 پۆستی ڕاهێنەری هەڵبژاردەی بەڕازیل وەردەگرێت.
ئەنچیلۆتی لەو بارەیەوە کۆبوونەوەی لەگەڵ فلۆرنتینۆ پێرێزی سەرۆکی یانەی شاهانە کردووە و پێیڕاگەیاندووە، کە چاڤی ئەلۆنسۆی ڕاهێنەری یانەی بایەرلیڤەرکوزن باشترین جێگرەوەیە بۆ درێژەدان بەو پڕۆژەیەی دەستیانپێکردووە.
ئەلۆنسۆ پێشتر یاریزانی ڕیاڵ مەدرید بووە و شارەزای خولی ئیسپانیا و خولەکانی دیکەیە، ڕاهێنەری لاوانی ڕیاڵ سۆسیداد بووە و لە تشرینی یەکەمی 2022وە ڕاهێنەری لیڤەرکوزنە.
