وەزارەتی تەندروستیی سعودیە بڵاویکردەوە، زیاتر لە شەش هەزار و 500 حاڵەتی لەهۆشخۆچوون بەهۆی گەرماوە لەناو حاجیاندا تۆمارکراوە.
بنکەی نیشتمانیی کەشناسیی سعودیە لە رۆژانی وەستان لە کێوی عەرەفە و یەکەم رۆژی جەژنی قوربان پلەکانی گەرما گەیشتوونەتە 48 پلەی سەدی، جگە لەوەش خێرایی با بۆ 34 کیلۆمەتر لە کاتژمێرێکدا کەمبووەتەوە و رێژەی شێش بۆ %14 دابەزیوە”.
بەهۆی بەرزبوونەوەی پلەکانی گەرما زیاتر لە شەش هەزار و 500 حاجی لەهۆشخۆیان چوون، وەزارەتی تەندروستییش داوا دەکات، حاجیان پابەندی رێنماییە تەندروستییەکان بن و پارێزگاری لە سەلامەتیان بکەن.
ئەمساڵ دوو ملیۆن و 300 حاجی ئامادەی رێورەسمی حەج بوون، بڕیارە لە سبەینێ پێنجشەممەوە دەست بە گەڕاندنەوەیان بۆ وڵاتەکانی خۆیان بکرێت.
