لە هۆڵێکی ئاهەنگ گێران و ناوندێکی جوانکاریدا لە خانەقین بە هۆکارێکی نادیار ئاگرکەوتەوە و بەهۆیەوە زیانی سەدان ملیۆن دینار بەر ئەو شوێنە کەوتووە.
ئاگرەکە لە سەنتەرێکی جوانکاریی خانمان و هۆڵێکی بۆنە لە ناوچەی (پاشا کۆپری) لە قەزای خانەقین کەوتووەتەوە و بەپێی خەمڵاندنە سەرەتاییەکان زیانی زیاتر لە 300 ملیۆن دینار بەر ناوەندەکە کەوتووە.
ئاگرەکە لەلایەن تیمەکانی بەرگری شارستانییەوە کوژێنرایەوە، هاوکات لایەنە ئەمنییەکان لێکۆڵینەوەیان بۆ ڕووداوەکە کردەوە بۆ ئاشکراکردنی هۆکارەکانی ئاگرکەوتنەوەکە.
