پۆلیسی سلێمانی رایدەگەیەنێت، هێزەكانیان تۆمەتبارێکیان دەستگیرکرد کە ھەڕەشەی بڵاوکردنەوەی وێنە و ڤیدیۆی تایبەتی لە ژنێك کردبوو.
بەڕێوەبەرایەتیی پۆلیسی پارێزگای سلێمانی رایگەیاند، دوای تۆمارکردنی سکاڵایه‌كی یاسایی لەسەر تۆمەتبارێک کە ھەڕەشەی بڵاوکردنەوەی وێنە و ڤیدیۆ تایبەتییەکانی لە ژنێك کردبوو، ھێزەکانی پۆلیس لێکۆڵینەوە و بەدواداچوونیان بۆ دۆزینەوە و دەستگیرکردنی تۆمەتبار دەستپێکرد.
ئەوەشی خستەڕوو، دوای وەرگرتنی بڕیاری دادوەر، لەماوەیەکی کەمدا تۆمەتبار دۆزرایەوە و لەلایەن مەفرەزەکانی بنکەی پۆلیسی رزگاری-یه‌وە دەستگیركرا. هه‌روه‌ها ده‌ستگیرا به‌سه‌ر مۆبایلی تۆمه‌تباردا.
تۆمەتبار (ب.خ.ر.) دانی بە تاوانەکەیدا ناوە و لەئێستادا بە بڕیاری دادوەر و بەپێی ماددەی دوو لە یاسای خراپ بەکارھێنانی ئامێرەکانی پەیوەندیکردن راگیراوە و لێکۆڵینەوەکان بەردەوامە، وەك ئەوەی پۆلیسی سلێمانی ئاماژەی پێداوە.
