یانەی بەرشەلۆنە جارێکی دیکە سەرکەوتووبوو لە ناونووسکردنی پابلۆ گاڤی لە لیستی یاریزانان بۆ لالیگای 2023/2024.
گرێبەستی گاڤی تاوەکو 2026 تۆمارکراوە و درێسی ژمارە (6) وەردەگرێتەوە، نرخی شکاندنی بۆندەکەشی ملیارێک یۆرۆیە.
ڕایەڵەی یانەکانی لالیگا وەرزی ڕابردوو بەهۆی کێشەی داراییەوە ناوی یاریزانە لاوەکەی لە پێکهاتەی یەکەمی بارسا سڕییەوە و لە تیپی لاوان تۆمارکرا، هەر بەو هۆیەشەوە ژمارە (6)ی لێوەرگیرایەوە.
لە ئێستادا لاپۆرتا و هاوکارانی سەرکەوتووبوون لە دووبارە ناونووسکردنەوەی لە پێکهاتەی یەکەم.
گاڤی تەمەن (18) ساڵ، بەدرێژایی دوو وەرز لە 2021وە بەشداری 96 یاریی بەرشلۆنەی کردووە، پێنج گۆڵ و 13 ئەسیستی تۆمارکردووە.
