وەزارەتی کارەبای حکومەتی هەرێمی کوردستان رایگەیاند، تا ئایشتا %92ی سەرجەم هاوبەشانی کارەبا پێوەری زیرەکیان بۆ بەستراوە، پێوەری زیرەک بەفیڕۆچوونی کارەبا بەڕێژەی %40 کەمدەکاتەوە.
کامیل قەزاز بریکاری وەزارەتی کارەبای هەرێمی کوردستان رایگەیاند، بەهۆی بەکارهێنانی سیستەمی پێوەری زیرەکەوە، نزیکەی 40%ـی بڕی بەفیڕۆچوونی کارەبا کەمبووەتەوە، هەروەها هەر بەهۆی پێوەری زیرەکەوە، سوتانى گۆڕەرەکانى دابەشکردنى کارەبا زۆر کەمی کردووە.
بەپێی ئەو بەرپرسەی کارەبای هەرێم، تا ئێستا ملیۆنێک و 300 هەزار پێوەری زیرەک لە تەواوی هەرێمی کوردستان بەستراون، واتا 92%ـی تەواوبووە و بە سەنتەرەوە بەستراونەتەوە.
هەرەوەها باسی لە سیستمی یەک پەنجەرە کرد و رایگەیاند، بەهۆی ئەوەی کاروبارەکان بوون بەو سیستمە، مامەڵەی هاوڵاتییان زۆر بە ئاسانی بەڕێوەدەچێت.
