کەمێک لەمەوبەر بەفربارین لە سەنتەری پارێزگای هەولێر و دەوروبەری دەستیپێکرد.
پەیامنێری تۆڕی میدیایی ئێستا گواستییەوە، پاش ئەوەی بەڕێوەبەرایەتیی کەشناسی و بومەلەرزەزانیی هەرێمی کوردستان پێشبینیی کردبوو کە لە پاشنیوەڕۆی ئەمڕۆ بەفربارین بگاتە هەولێر و دەوروبەری، کەمێک لەمەوبەر بەفربارین لە سەنتەری شاری هەولێر دەستیپێکرد.
بەپێی بۆچوونی شارەزایانی کەشناسی، لە ئێستادا شەپۆلی بەفربارین گەیشتووەتە سنووری پارێزگای هەولێر، دهۆک و ئیدارەی زاخۆ، لە کاتژمێرەکانی داهاتوو فراوان دەبێت بۆ ناوچەکانی دیکە و کاتی ئێوارەش سەرجەم ناوچەکانی هەرێمی کوردستان دەگرێتەوە و لەگەڵیدا بای باشور بەخێرای 15 تا 35 کم/ک چالاک دەبێت.
